Naša Budućnost je poražena u prvoj utakmici 2. kola kvalifikacija za Ligu konferencija, a bolji od „plavih“ bio je HB Toršavn na svom Gundadalur stadionu – 4:0.
Težak poraz je pao svima teško u plavo – bijelom taboru…
„I poraz i poniženje“, rekao je šef stručnog štaba Mladen Milinković.
„Sigurno u dosadašnjoj mojoj i igračkoj i trenerskoj karijeri nisam pretrpio ovakav udarac. Nemamo neke riječi da se opravdamo. Jednostavno, Toršavn je bio bolji, više je želio, više se borio i na kraju je zasluženo pobijedio. Možemo samo da im čestitamo“, poručio je čovjek koji je našem klubu za manje od dvije godine donio tri trofeja.
Revanš meč 2. kola kvalifikacija za Ligu konferencija protiv HB Toršavna je pod Goricom 27. jula od 20.00 časova.
